中華視野 楊官華

世紀21中華物業公司董事、世紀奧運株式會社創辨人、中華集團董事,現任香港專業地產顧問商會副會長。深信有危就有機,2003年沙士開設第1間樓上地產代理舖,面對地產高低潮積極拓展新市場,2010年初首創在羅湖關口開設香港房地產展銷點,去年衝出香港開拓日本物業市場。
返回中華視野 楊官華主頁
世界之最效應
近期香港樓市股市風起雲湧,美股急跌那個晚上,筆者非常榮幸得到細價樓爆煲論主角,人氣勁過劉華的湯博士邀請小弟晚宴,同桌話題當然離不開近期樓股轉角市已經出現,香港股市及樓市開始下跌,更加有世界貨幣大戰,特別在亞洲。

食飯未食到一半,美元兌日圓急彈,半小時日圓升幅近5%,近年來淨係聽過日圓跌,都未聽過日圓升,呢次急升係近年首次,而人民幣升左好多年而家掉頭開始跌。講到香港樓市及股市方向,有大師級專家在場,筆者就豎起耳朵偷師學習,聽君(湯博士)一席話勝讀十年書,總括湯博士一句:衹要有實力市場風高浪急一樣可以輕鬆過關,重點係不要購買力透支,意思係借錢投資一定要量力而為!

筆者跟博士囗水尾,買樓一定要量力而為,特別係海外投資物業,以筆者看到香港人到海外置業,大部份一般都係專業人士,主觀力強,比較多家庭客(有小朋友)年紀大約30至55歲之間,而呢類中產朋友,就是香港樓市 所謂的剛性需求的用家,而以上朋友重視規劃人生,喜歡投資未來,因為香港樓價貴,投資物業門檻高收租回報少唔啱數,越來越多人向外發展(投資物業),吸引到世界各地的發展商來香港賣樓促銷。

以筆者上星期在港島區怡東洒店舉行海外物業投資講座,同一間酒店,同一層巳經有五個hall 舉行同類型活動,一間酒店已經有幾個海外物業項目有亞洲,歐洲,美加,澳紐等,筆者估計九龍同港島區的4、5星級酒店同一時間有數十個海外物業正在舉行促銷。

以筆者自己經驗,兩天便促成多個海外物業涉及金額達港幣三仟萬,根據非正式統計,相信本月海外物業銷售金額過億元港幣!以前香港97好環境,都冇咁多香港人投資海外物業,淨係怕回歸大陸,避走移民去美加自用先買樓,2015年這個情況實在是香港人到外地投資買世界樓,價同量同樣是創新高!歸根究底都是香港樓價就快成為是世界之最(貴),筆者剛剛到步東京,回想90年代的東京樓價也是世界之最!

2015年8月27日
返回

文章回應
您的名字
電郵
問題
驗証碼 轉換驗證碼
view
發展商頻推新春優惠,會否釋放市場購買力?

   觀看相關討論